२३ बैशाख २०७८
काठमाडौ । प्रतिनिधिसभाका ४ सांसदमा कोरोना भाइरस संक्रमण पुष्टि भएको छ । बुधबार गरिएको परीक्षणमा सांसदहरु लक्ष्मणलाल कर्ण, पार्वती डीसी चौधरी, नरमाया ढकाल र रामबाबु यादवको रिपोर्ट पोजेटिभ आएको संसद सचिवालय श्रोतले जनाएको छ ।
वैशाख २७ गते प्रधानमन्त्री केपी शर्मा ओलीले विश्वासको मत लिने प्रयोजनका लागि संसदको विशेष अधिवेशन बोलाइएको छ । अधिवेशन सुरु हुनुअघि बुधबार सांसदहरुको पीसीआर परीक्षण गरिएको थियो ।
यस्तै, संसद सचिवालयका २ जना कर्मचारीमा पनि कोरोना संक्रमण देखिएको बताइएको छ ।
