काठमाडौ । नेकपा एमालेका उपाध्यक्ष सुवास नेम्वाङको निधन भएको छ ।
हृदयघातका कारण त्रिवि शिक्षण अस्पतालमा उपचारका क्रममा नेम्वाङ्को निधन भएको हो ।
हृदयघात भएपछि राति १ बजे उनलाई त्रिवि शिक्षण अस्पताल, महाराजगञ्ज पुर्याइएको थियो । चिकित्सकहरुले अस्पतालमा पुर्याउने वित्तिकै नेम्वाङको निधन भएको घोषणा गरेको बताएको छ ।
पूर्वसभामुख समेत रहेका नेम्वाङ इलामबाट निर्वाचित प्रतिनिधिसभा सदस्य हुन् । उनी हाल नेकपा एमाले संसदीय दलको उपनेता तथा पार्टी उपाध्यक्ष समेत थिए ।
