काठमाडौ । तामाङ पत्रकार संघ सिन्धुपाल्चोक जिल्ला शाखाको प्रथम अधिवेशन सम्पन्न भएको छ । सोमबार सिन्धुपाल्चोक चौतारामा सम्पन्न अधिवेशनबाट पुनःप्रितम गोले तामाङलाई अध्यक्षमा सर्वसम्मत रुपमा चयन गरिएको हो ।
शाखाको अधिवेशनबाट तामाङको नेतृत्वमा उपाध्यक्ष अश्मी स्याङ्तान, सचिव फूलमान तामाङ मोक्तान, सह–सचिव विपना तामाङ गोले, सह–सचिव आईसिंङ तामाङ, कोषाध्यक्ष सुरेन्द्र तामाङ, सदस्यहरुमा शर्मीला तामाङ गोले, प्रेम लामा, सागर तामाङ सर्वसम्मत चयन गरिएको छ ।
तामाङ पत्रकारीता क्षेत्रमा सकृय पत्रकारको रुपमा चिनिएको तामाङले हाल जन्मभुमि पोष्ट नामक अनलाईन डिजिटल संचालन गर्दै आएका छन् । तामाङले गत कार्यकालमा गरेका राम्रा कामहरुलाई निरन्तरता दिने बांकि रहेका कार्यहरु सम्पन्न गर्दै आफ्नो आवाज र कलम मार्फत समुदायको आवाज बुलन्द गर्ने कार्यमा निरन्तर लाग्ने प्रतिबद्धता समेत जनाएको छ ।
