काठमाडौ । ल्होछार पर्व नजिकिए संगै ल्होछारसंग सम्बन्धित गीतहरु यत्ति बेला धमाधमा रेकर्डिङ, छायांकन र सार्बजनिक गर्ने क्रम चलिरहेको छ । यसै क्रममा एस.के.शिशिर जोजो लामाको ल्होछार गीत भोली(शनिबार) भिडियो सहित सार्बजनिक गर्ने तयारी रहेको निर्माण पक्षले जानकारी दिएको छ ।
रोजगारिको शिलशिलामा हाल साउदि अरबमा बस्दै आएका एस.के.शिशिर जोजो लामाको निर्माणमा बनेको उक्त ल्होछार गीत गत साता नै छायांकन सम्पन्न गरेका थिए । छायांकन स्थल नै तामझाम सहित छायांकन सम्पन्न गरेको उक्त ल्होछार गीतको भिडियो कस्तो आउला भनेर दर्शक पर्खाईमा रहेको बेला छायांकन सम्पन्न भएको छोटो समयमा नै भिडियो निर्माणको कार्य सकेर भोली नै सार्बजनिक गर्ने तयारी रहेको निर्माताद्वय लामाले नमोबुद्ध न्युजलाई जानकारी दिएको हो ।
गीतमा गायत तथा संगीतकार जीवन बोम्जनको शब्द रचना र तामाङ सेलो गीतसंगीतका अग्रज व्यक्तित्व वरिष्ठ गायक तथा संगीतकार चन्द्र कुमार दोङको संगीत रहेको छ । राष्ट्रिय पर्व ल्होछारलाई नै तार्गेट गरेर बनाईएको उक्त ल्होछार गीतमा आवाज भने चर्चित गायत तथा संगीतकार सन्जिव वाईबा, जिवन बोम्जन, बुद्ध लामा, सुमिना लो, रेश्मा बोम्जनर अस्मिता रुम्बाको रहेको छ । छ जना गायक तथा गायीकाको संयुक्त आवाज रहेको उक्त गीतको भिडियो तर्फ भने प्रतिक ङ्यासुरको निर्देशनमा तामाङ समुदायको महानायकको रुपमा सुपरिचित अमिर दोङको साथमा आरम्भ तामाङ मदन थोकर तामाङ, याङ्गी दोङ, रोहनी लामा, रिया लामाको मुख्य भुमिकामा रहेका छन । त्यसै गरि कुईसाङ रुम्बा लगायत अन्य कलाकारहरुको समेत उक्त गीतको भिडियोमा अभिनय रहेको छ ।
यस अघि सार्बजनिक भएका ल्होछार गीतहरुको भन्दा फरकपन यस गीतको भिडियोमा देखाउने जमर्को गरेको भिडियो निर्माण पक्षले बताएको छ ।
शुटिङ रिपोर्ट हेर्नुहोस…
